2018 წლის 11 ივლისიდან 15 ივლისამდე, პროექტის ,,ახალგაზრდები მშვიდობისათვის სამხრეთ კავკასიაში“ ფარგლებში, ქობულეთში, ახალგაზრდულ გაცვლით პროგრამაში მონაწილე ლიდერებისთვის ჩატარდა ტრენინგი კონფლიქტის ტრანსფორმაციასა და მედიაციაში.
ახალგაზრდა ლიდერებმა მიიღეს ინფორმაცი, თუ როგორ უნდა მართონ კონფლიქტური სიტუაცია სწორად ისე, რომ იგი პოზიტიური ცვლილებების სტიმულიც კი გახდეს. ასევე, თუ რა უწყობს ხელს მის გამძაფრებას და რა უზრუნველყოფს კონფლიქტური სიტუაციების დამშვიდებას, რა ტიპის ქცევების განხორციელებაა ეფექტური ამ დროს და არსებობს თუ არა ერთი, უნივერსალური სტრატეგია კონფლიქტის მოგვარებისა და მართვისათვის. ტრენინგის გავლის შემდეგ მონაწილეები უკეთ შეძლებენ საკუთარი ემოციების მართვას, საკუთარი ინტერესების დაცვას დაპირისპირებული მხარის ინტერესების შელახვის გარეშე და ურთიერთმისაღები გადაწყვეტილების შემუშავებას.