2015 წლის 8 დეკემბერს, გიორგი ჩუბინაშვილის სახელობის ქართული ხელოვნების ისტორიის ინსტიტუტის საგამოფენო დარბაზში გაიმართა ფონდ "ლაზარეს" სახელობო-პროფესიული სწავლების პროექტში მონაწილე მოზარდთა ნამუშევრების გამოფენა. ღონისძიებაზე წარმოდგენილი იყო სასწავლო სახელოსნოებში დამზადებული საიუველირო ნაწარმი, მინანქარი, ჭედურობა, ხეზე ნაკვეთი ნივთები, ტანსაცმელი, ფარდაგები, თექის ნაწარმი და ა.შ.
2015 წლის 5 დეკემბერს,ფონდ ,,ლაზარეს“ პროექტის -,,სასწავლო-შემეცნებითი ექსკურსიების“ - ფარგლებში, კახეთის რეგიონში მორიგი გასვლითი ღონისძიება გაიმართა. საქართველოს საპატრიარქოს წმიდა კეთილმსახურ მეფე თამარის სახელობის სკოლა-პანსიონის უფროსი კლასის მოსწავლეებმა მოინახულეს ალექსანდრე ჭავჭავაძის სასახლე წინანდალში, ახალი შუამთის ხახულის ღვთისმშობლის სახელობის დედათა მონასტერი და ალავერდის ტაძარი.
საქართველოს საპატრიარქოს საქველმოქმედო ფონდ ,,ლაზარეს“ პროექტის ,,ახალგაზრდები მშვიდობისათვის სამხრეთ კავკასიაში“ - ფარგლებში გამოცხადებული საგრანტო კონკურსის ერთ-ერთმა გამარჯვებულმა გიორგი ოგანესიანმა საკუთარი პროექტი, რომელიც მშვიდობის თემას მიუძღვნა - ქალაქ ბორჯომში კონცერტის ორგანიზებით განახორციელა.
27-28 ნოემბერს, ავსტრიაში, ქალაქ ვენაში, ყოველწლიური, რიგით 47-ე გაეროს ქალთა გილდიის საერთაშორისო საქველმოქმედო გამოფენა-გაყიდვა გაიმართა ("UNWG International Festival Charity Bazaar 2015"), რომელშიც ავსტრიის ქართული სახლის მიწვევით იმყოფებოდნენ საქართველოს საპატრიარქოს საქველმოქმედო ფონდი "ლაზარე" და წმიდა ექვთიმე ღვთისკაცის სახელობის პროფესიული კოლეჯი.
ფონდ ,,ლაზარეს“ პროექტის ,,ახალგაზრდები მშვიდობისათვის სამხრეთ კავკასიაში“ - ფარგლებში გამოცხადებული მცირე საგრანტო კონკურსის ერთ-ერთმა გამარჯვებულმა სოფო ბაბალაშვილმა სამშვიდობო თემატიკაზე შექმნილი მცირემასშტაბიანი პროექტი -,,იყავით მშვიდობის ელჩები!“-განახორციელა. პროექტის მიხედვით, სიღნაღის რაიონის, სოფელ ანაგის საჯარო სკოლის უფროსი კლასის მოსწავლეებს ჩაუტარდათ ტრენინგი